Panton Aceh Cinta Lucu, Lawak, Sedih, Rindu, Jomblo, Kecewa

KISAH CINTA 4 GO MINGGU

Ku meu cewek, ngon si mala
Aneuk kak la, dilhok meu ku
Cukob tari, ijih rupa
Hoe yang kuba, ureung jieu

Ku pike jih, that setia
Kumeu cinta, rab peut minggu
Dum pue ku bloe, dum hoe kuba
Sam poe BH, kaki raju

Ban ku teu pue, tan setia
Ji meu cinta, rata iku
Rata agam, kaji sapa
Asai kaya, ka jibi hu

Bak uroe nyan, cukob gura
Jalan jangka, ijak roet keu
Kei ku pike, pane dara
Deu goen mata, jelah ku eu

Ka ji pasang, likot honda
Jaroe jiwa, han jeut ku eu
Ji kalon kei, kleb kleb mata
Ji peu hawa, inoeng dajeu

Awak agam, kue rupa
Urueng kaya, picok aleu
Kon le sigoe, ji ilanya
Kei ji hina, meu nan laku

Ke jadian, uroe lasa
Buluen dua, di meu redu
Kujak meu en, wet wet asa
Ka meu jumpa, ateuh tutu

Kei ji peu hing, paleng muka
Hate luka, deu ngon pilu
Laen agam, uroe nyan ba
Awak banda, ka bak hi su

Bak buluen nam, toe puasa
Jih si mala, laen laku
Ji meu cewek, jak peu dawa
Ji meu cinta, cukob lucu

Ikei kuduk, laen meja
Ku eu cara, ji meu rayu
Phon ceu mukeh, rab bineh fa
Dudoe jiwa, ka toe juju

Cukob paloe, bit si mala
Ceu ceu repa, ka jibi geu
Ikei kujeb, ju U muda
Keu nan mata, sabe ku eu

Meu tamah treb, laen cara
Ka meu raba,, dalam li weu
Han jeut ku e, hai fan rika
Ka ji upa, ka kira ju

Abeh kujeb, nyan U muda
Ku woe lanja, ikei aju
Saket hate, hana dua
Kisah cinta, hate pilu

Kumeu putoh, laju sigra
Hai fan Rika, han jeut ku e
Kaseb ohnoe, hai fan rika
Kisah cinta, kapeut minggu

JASA POMA ###
PENGARANG; ABU BINEH KRUNG..

Poma peu ayoen, ABU yang tuloet....
Lon peu doeng teuot, poma peu doda....
Lam ayon ija, poma peu limbot.....
Si aneuk tulot, jantong hate ma....

Oh watei beu ngoh, poma peu limboet.....
Seu manoe bacut, ngon geu rhah muka..
Leum pah geu sayang, dum ban yg patoet...
Geu cupoet eungkot, geu bri bu le ma....

Dak bacut saket, meu angen geun toet..
Laju geu beu oet, ubat geu mita...
Jamoek bek jikab, ubat ju geu toet...
Kadang saket prut, geu kreh boh pala...

Geu ayoen dodi, beu ngoeh ngon seu poet..
Dak kuweut atoet, hana geu kira...
Kadang tan teu ngeut, beu ngoh ngon seu poet..
Dak bu tan eungkot, poma geu rela...

Seb raya jasa, poma lon seu boet...
Beu ngoeh ngon seu poet, geu jaga gata..
Seb raya jasa, yang ka ulikoet...
Han beh lon sru bot, wahe fan rika..

Mumada oh noe, haba lon seu boet...
Meu ah tgk cut, ABU katuha...
Deu ngon wasalam, kalon peu likot...
Muka mubek krot, lon takot dosa...

Gaseh Lam Rantoe ###

Oeh angen jipoet, leupi lam asoe...
Rindu hate nyoe, keu gata dinda..
Adoe di gampong, abg lam rantoe.
Tapreh kanda woe kenan u desa...

Rindu keu dinda, karap tiep uroe...
Hajat abang woe, kenan bak gata..
Rasa meu simpan, sabe keu adoe.
Semoga beu sampo, lage ta pinta..

Meunyoe ka takdir, izin dari poe..
Laju bak adoe, selangke loen ba...
Abg grak langkah, sino di rantoe..
peu dampeng adoe, bak uroe pesta..

Wali ngoen karong, ka meu sahoe..
Aduen ngoen adoe, dalam sejah tra.
Puji ngoen syukur, nibak sidro poe...
Harapan tanyoe, ka deuh bk nyata..

Cuma pinta loen, bak gata adoe..
Gaseh geu tanyoe, bek sampe cupa..
Walau pun jarak, jioh geu tanyoe..
Namun hate nyoe, saleng setia..

MEU HAN JITEM KU PRUH DOA ###

Hoeng ku rasat, aneuk jen limong..
Keu noe ka tamong, hai raja rimba...
Eumpeun kah kubi, bek le kata nyong..
Peut boh inong, itek angsa...

Si droe gadeh, ka peu keu nong...
Beu jita nyong, ABU tuha..
Beu ngoeh sepot, beu jita nyong..
Ka peu keu nong, nibak mata...

Boh krut ku plah, tang ke limong..
Deu ngon bungong, tujoh warna...
Bek ka woet2, le lam gunong...
Hai jeu ru nyong, pari rimba...

Ngon ie ujeun, bak seu runyong..
Kuboeh lam mon, han lut tawa...
Sagoe timu, laju tamong...
Nyoe pat bungong, cok ku tika..

Barat baroeh, bek le tanyong...
Laju gabong, kaba cinta...
Roh ji kacok, kah kata mong...
Kapeu keu nong, bak long kaba..

HAN MAMEH LE ###

Bacut kisah, jinoe hai bang..
Saboh karang, uloen rawe...
Mebek neu tob, payong hitam..
Harap ha bang, teuhah sabe...

Payong teuhah, ateuh cut bang..
Hantom leukang, ubee pade
Sabee cintaa, peugah sayang...
Jinoe hai bang, laen pikee..

Jameun jinoe, kana rantang..
Kupue hai bang, oen pisang gle...
Leu beh mangat, dalam rantang..
Seu bab hai bang, kana tangke...

Mangat mangat, lam oen pisang...
Hana saban, oh loen pike...
Menan tamse, lon boeh hai bang...
Dalam karang, loen boeh mise..

Hate saket, jinoe hai bang..
Sang ka leu kang, hana nyum lee...
Lage teu tob, deu ngoen labang...
Meu nan keuh bang, acie pike...

Dilee geu keun bak loen tuwan..
Meu sipadan, bek leu kang lee...
Penteng tanyoe, hudep sajan...
Adak rangkang, hana pikee...

Kasep oh noe, dalam karang...
Tentang rantang, oen pisang gle..
Bejeut makna, mandum hai bang..
Ngon wassalam, peu nutoep ca'ee..

TANYOE HAI DEK HAN SI UKO ##
PENGARANG:: ABU BINEH KRUNG

Tanyoe hai dek,# jioh beda.#
Gei umpama,# gle ngon laot.#
Gata hai dek,# ureung kaya.#
Na toyata,# ka dengon bhot.#

Sedangkan lon,# ureung papa.#
Sapeu hana,# gle ngon laot.#
Bek an lon bloe,# mutiara.#
Peng sijuta,# tan pat lon coet.#

Ubong rumoh,# oen meu riya.#
Rok jeun dela,# pih kon bsot.#
Yang na mudah,# tang'en unta.#
Nyan pusaka,# golom lagot.#

Bek lah hai dek,# Abu ka hawa.#
Takot gata,# muka teuh krot.#
Payah ta'eh,# ateuh tika.#
Seubab hana,# ija limboet.#

Mulai jinoe,# hai adinda.#
Lon ta lupa,# bek le tachoet.#
Keke nangan,# tanyoe dua.#
Anggap hana,# yoh di laoet.#

Meubek hai dek,# masam muka.#
Walau cinta,# lon peu lokoet.#
Bah le ta nyoe,# meu soe dara.#
Oh meu jumpa,# lon kaka woet.#

Moga jodoh,# la'en teu ka.#
Lamar gata,# kon ngon baot .#
Moga adoe,# meu bahgia.#
Lon meu do'a,# nibak mak boet.#

LAKO TUHA ###

Reudoek roet tunoeng, ujeun roet baroh...
Angen bade troeh, jipoet that teuga
Loen pike cut bg, yg intat bungkoeh.
Rupa jih lapoeh, ka ureung tuha.

Keu bit weuh hate, saket lam tuboeh.
Jantoeng sang luroeh, wate loen rasa.
Hana loen sangka, ureung laen troeh.
Hie rimueng buloeh. cukop that tuha.

Terpaksa lon tem, wahe cut bg beh.
Abang hana troh, Jak lamar Dinda.
Ayah ngon poma, terimong bungkoh.
Langsing geu saoh, penukah dinda..

PUTOH HARAPAN ###

Leumah pucak gle sare meupula
Alam semesta rata deuh ta eu
Wate loen pike hate teugoda
Ingat keu gata deumam merindu

Wajah teu uke sabe di mata
Lam leubok jiwa jiteuka pilu
Paken keuh kande tan le deuh rupa
Pajan adinda loen tajak saweu

Dalam krueng ile loen kawe kadra
Uloen tik jala ngen bude bambu
Ngen tulus hate loen ukee kata
Ngen ikhlas jiwa loen bagi rindu

Tapi oh akhe ganje deuh nyata
Rupajih cinta di gata palsu
Tatem peu cebre suwe ta puta
Sayang Bahtera han mupat layeu

SEU MEN JAK DUDA ###

Karap dua thon, ulon nyoe duda...
Sabe lam kama, ulon eh sidroe...
Hana le inong, bangon meurana...
Han pat le teuka, meuseunda guroe.

Meutamah susah tan soe rhah ija..
Ie kupi saka, tan soe le cawoe..
Tan soe le cupet, 'oh saket lam pha.
Nyan dum meurana, ohtan le binoe

Kon lagee awai, seunang lon rasa..
Oh malam jula, napat meu lithoe..
Adak keurawat, urat bak boh fa..
Ubat jimita, keulon di peuwoe..

Jinoe meunyesai, tinggai hareuta..
Keupue teuh kaya, hana soe hiroe..
keupue dak tinggai, lam rumoh raya.
Hate meu rana, malam ngon uroe..

Maka dari nyan, lon karang rika..
Lon jak bri haba, keu aduen adoe.
Lon lakee tulong, bak kawom dumna.
Neutulong mita, saboh cut putroe.

Han meuceh gadeh, lon pileh sigra..
Walau pun janda, jeut neuba keunoe.
Asai bek umu, terlalu tuha..
Takot han le na, aneuk meu sidroe.

Han meu ceh neuba, dara yang kaya.
Dak gasien papa, kutem keu lakoe.
Yang leubeh pahlom, sombong jih bekna.
Tuto bahasa, bek meu chakaloe..

Beu jitem pujoe, keu poe esa..
Allah ta'ala, bek sagai teuwoe..
Beu jeut jitaguen, on reumpuen muda..
Beurayek saba, 'oh watee phang phoe..

Et noe hai ampon, ka lon peumada..
Bek panyang haba, takot han meuhoe..
Kadang teulanjo, tuto bahasa..
m
Meu'ah lon pinta, bek desya dudoe..

CINTA HAN PUTOH ##
## KAWEN HAN JADEH ##

Bajei jih lon bloe, dumpue lon kira..
Watei Meu cinta, dua geu tanyoe..
Tatem khianat, keu lon hai dinda..
Laen kamita, katung keu lakoe...

Pakon uroe jeh, keu lon ta cinta...
Sipeu noh jiwa, gata keu lon nyoe...
Mu pakon jinoe, meu nyoe lon rasa..
Tabalah tuba, tabri keu lon nyoe..

Hanco hate lon, agei ter timpa..
Bit Hana rasa, bak gata adoe..
Tatem meu kawen, laen di dinda.
Pilihan bapa, tatung keu lakoe..

Rugoe Meu janji, meu rumoh tangga.
Lam lemung kanda, dilei saboh roe..
Lam meu lon tupue, agei nyoe gata..
Hana ulon cinta, keu gata adoe...

Watei pacaran, yoh saboh masa..
Taroe ie mata, gata bak lon nyoe...
Talakei sayang, ka nibak kanda..
Hudeb bahgia, di gata Adoe......

Hana yang laen, yang gata cinta..
Walau geu paksa, Han gata pakoe..
Te tapih jinoe, balasan dinda...
Khianat cinta, agei nyoe bagoe...

Cinta di ulon, se penoh jiwa...
Hana hai dinda, laen lon pakoe...
Hana bak cut bang, na laen dara..
Sit si droe gata, dalam hate nyoe...

Tetapih adoe, lon ta peu dua..
Khiana cinta, saket han bagoe..
Leu beh goet jinoe, ulon Jak gisa..
Lon kubah dinda, lam Uruk lon woe..

Bah keuh tapileh, lagei heut gata...
Keu lon hai dinda, bek le kapakoe....
Nyo tatem kirem, kasi krem doa..
Oh malam Kula, gaya Leung jaroe

MOLOD NABI ###

Alhamdulillah , lon Pujoe Rabbi
Yang Maha Suci , Azawaljalla
Seulaweut Saleum , Akan Rasuli
Pang ule Nabi, Saidil Ambiya

Salam a`laikom ,Saleum u lon bri
Ayah ngon ummi, Duson ngon Kota
Samboet saleum lon , yang suson rawi
Keu Maulid Nabi, hajat lon rika

Rabi`ul Awal, dua blah hari
Laheran Nabi ,Rasul Mustafa
Lahe Muhammad ,Pang ule Nabi
Peurintah Rabbi , Risalah yue ba

Nibak uroenyan , tanyoe peuringati
Maulidin Nabi, nama geupeunan
Rayeuk faedah , soe yang khanduri
Syufaat geubri ,uroe komdian

Neubuka Tarekh , neukalon dali
Ulama Sufi , yang peugah meunan
Meunan neupeugah, ibnu Zauri
Neuyue Khanduri , untuk janjongan

Blang Padang Masya , tutoeng han sakri
Liwa`ul Hamdi, payoeng janjongan
Yang kheun Seulaweut, keupada Nabi
Syufaat geubri, meulindoeng keunan

Cinta keu umat , kiban di Nabi
Syufaat geubri, wate di Mizan
Dalam Nuraka , umat geucari
Han geupeuduli, Nuraka Jahnam

Baca Seulaweut, deungon khanduri
Maulidin Nabi, Tapeuringatkan
Meulipat ganda ,fahla Tuhan bri
Fahla khanduri , Pang ule Alam

Yang kheun Bideu`ah , keu maulot Nabi
Dudoe Tuhan bri, Nuraka Jahnam
Seubab buet yang goet, tanyoe kerjai
Baca berjanji , untuk janjongan

Peugoet ceuramah, deungon khanduri
Bak maulot Nabi , Acara meunan
Ingat seujarah , takeunang Nabi
Syariat Suci, geuperjuangkan

Peugoet Akeulak , Budi pekerti
Deurajat tinggi , Agama Islam
Peu ek deurajat, keu kawoem ummi
Bek dizalimi , jeut beurang kaban

Oleh seubabnyan, Bandum umati
Keu Jasa Nabi, Wajeb takeunang
Baca Seulaweut, sabe tiep hari
Keupada Nabi, Ohlheuh seumbahnyang

Keu tanda cinta, umat keu Nabi
Tanyoe ikuti , yang yue janjongan
Tapubuet suroeh, peujeuoh keuji
Lage yue Nabi, tapubuet meunan

Meunan muphoem, lon keu Maulot Nabi
Neuci Hayati, pue beutoi meunan
Nabak ulama, Peusaheh Neuci
Lage lon kheun kri, kadang salahan

UREUNG KEU LHEE ###

Uroe rap seunja asa meu le le
Jipot angen gle duroh on kayee
Ulon duek manja lam ija sipre
Geunta lam hate ji beudoh bulee

Hana teurasa ie mata jile
Han ek lon pike saket lam ulee
Ureung lon damba kanda lon nakse
Goet that meusampe neu peugoet lagee

Lon pike ranup pineung ngon gambe
Lam saboh bate meusapat patee
Hantrok ban maksud meuheut han sampe
Meuseubab hade ureung yg keu lhee

Sia ulon lhat peurangkap kawe
Tetapi bace jilop lam bubee
Gob theun seureukap sikeujap hase
Hana guna le dak lon meu gadee

Oh watee kana bunga jeulingke
Jeumpa sitangke hanle peureulee
Jikap le bana hama peu rabe
Hingga rap mate utom peureudee

Peutra salah lon neu hukom sabe
Gaseh ka reule sayang neu seubee
Hana lon sangka cinta neuh doble
Gombal neu uke janji siribee

Sumpah ba peuha serta seulangke
Bak buleun ganje lon neujak lakee
Mandum rencana sirna sigo ble
Pakon oh akhe ulon neu tipee

Neu hidang nira lam kaca cupe
Ngon tangan jahe racon droeneuh ple
Hate lon luka teu bungka cre bre
Baten ngon lahe teurasa malee

Seulamat bahgia kanda bohate
Kana srikande laen lam pangkee
Yg namun karma teunama ade
Awai ngon akhe cit ka meuteuntee

Lon neu niet hina umpama bangke
Meu neu ngieng hanle pulom neucom bee
Keurana kana seulanga pante
Jeumpa bak tangke droeneuh peu layee...

Lon beu ot tapak jarak lon che che

Bersambung

TAMOLOD NABI ####

Mubek bid deah, bak buka hidang.
Untuk janjongan, ta nyoe khan duri.
Dengon selawet, takirem rijang..
Sira kumandang, perih si faki..

beleun di langet, cahya cukop trang.
Rabi'ul awal, bak mulot nabi..
Ban suboh beukah, lahir jonjongan..
Pang ulee alam, muhammad nabi..

Assalamualaikum, saleum lon layang..
Keu bandum taulan, abi Dan ummi.
Bak mulot NABI, tasemarakan..
Bek teuwoe rakan, tanyo khanduri..

Langet ngon bumoe senang hanaban..
Keu muhammadan, RASUL ILAHI..
Khanduri mulot, sabe takeunang..
Tasemarakan, seulaweut NABI..

KEU RASULULLAH, sabe takeunang.
Ureung iseulam, dan ummat NABI..
Keu aneuk yatim, tabi makanan..
Tambah amalan, pahla tuhan bri..

Khanduri mulot, taseumarakan. Mm
Pang ulee alam, utusan RABBI..
Tameuselaweut, keu muhammadan.
Pahla meukuyan, pasti ALLAH bri...

BUNGONG LAM DAYAH ###

Loen harap keumang si bungong meulu..
Sabe loen sibu troeh wate senja...
Hate loen senang bungong rap leuhu..
Bek na yang ganggu taman seroja..

Bungong idaman di dayah merdu..
Bek gop peukaru bungong loen jaga..
Bak pih rintangan sinan jai tungku..
Tetap no satu loen yang di cinta..

Got ketutunan bungong di abu..
Warna meuchuhu keu ayeum mata..
Golom na yang pot si putik meulu..
Bungong lam pasu meu pageu baja..

Wate loen kaloen leupie lam qalbu..
Beu jinoe laju yang pah loen raba..
Hajat loen intat kupi ngoen susu..
Keudeh bak abu slangke loen jak ba..

Loen harap reudok troek ujeun salju..
Harap raya huu lampu musalla..
Wate ulon dong bek padok sapu..
Hate that rindu neuk kalon gata..

KHAYALAN LUMPOE##
**ABU BINEH KRUNG**

Lam laot hijo, abang lon lumpoe..
Sang2 ka neu woe, katroh u desa..
Jaroe lon neu mat, neu kecub bak dhoe..
Bahgia adoe, hana bandeng sa..

Ulon neu lamar, euncin neu puwoe.
Peu sok bak adoe, keu tanda mata.
Euncin lhei manyam, neu jok keu adoe.
Oleh abang droe, lamaran neu ba.

Senang bukon le, hate ulon nyoe.
Agei kon kon lumpoe, adoe hai kanda.
Oh ban teu keu jot, kaman dum lum poe.
Suwah kab jaroe, lon roe ie mata..

Yang na di sampeng, bantai rab adoe.
Pakon jeut meu noe, ulon meu rana.
Karab lapan thon, lon preh cut bang woe.
Sampoe an jinoe, hana deuh mata...

Balasan,,

Tasaba hai dek, mubek le tamoe..
Abang di sinoe, cukob setia...
Hana yang laen, dalam hate nyoe..
Sit sidroe adoe, yang abu cinta..

Walau na laen, canden han bagoe..
Tapih ulon nyoe, han teu ka cinta..
Sampoh ie mata, gata hai adoe..
Cinta ulon nyoe, han lon peu dua...

Adak di abu, sabe teu lumpoe..
Keu wajah adoe, di mata mata...
Kaseb keuh dilei, ulon meu rampoe..
Tasaba adoe, lon pasti gisa....

HAN SANGGOB ###

Dua ploh manyam, jeulame gata
Sang payah tunda, e' dara ceubeuh
Golom ta pasoe, keu Asoe kama
Han ek ta peuna, Pat ta neuk kireuh

Cit han sesuai, sagai hai dara
Pulom keurija, geutanyoe buruh
Kdang oh uroe, laloe lam paya
Dalam uroe kha, lawoek semen kreuh

Kon ka tatupu, dumpu nyoe masa
Keu bhah Beulanja, seb meukarat teuh
Bak ta mita peng, mereng kepala
Rap2 meuputa, ulee uwateuh

Han abeh pike, Wahe adinda
Lagenyoe cara, sang payah peulheuh
Payah lon paleng, mungken ngon gata
Dak meupeukara, alah hom kakeuh

Sang payah Aleh, keudeh lon tuka
Keu lumoe dara, Geulantoe bloe meuh
Kadang na hase, wase peulara
Singoh ta mita, lom yg meu ie breuh

Sithon dua thon, ulon cit saba
Lanjut usaha, Pat Pat na yg deuh
Seubab han sanggop, meucoet boh naga
Maka lon tuka, Deungon boh haneuh

Jinoe hna le, pike keu gata
Beuthat lam dada, rasa cukop weuh
Yang Peunteng Hate, sabe lam saba
Ta anggap saja, ata golom deuh

Daleh pih wajah, golom pih tuha
Adak teunaga, menteng cukop kreuh
Meunyoe na umu, ukeu ta mita
Dak tan yg dara, janda ju tapruh

Kaseb keuh dile, ritee ulon ba
Meuhi sang gura, haba ulon creuh
Aleh pih pue2, ka meu calitra
Ka meugeulawa, cukop that na teuh

Cinta hn putoh kawen hn jadeeh #

Salam'alaikom kawom di ji_oh
Saleum sigoe troh bangsa teu leubeeh
Na bacut panton bak kuntom haloh
Bek kiroh-kiroh deungoe beu saheeh

Ateuh bak bangka cempala riyoh
Umpung ka duroh aneuk gohlom ceeh
Saboh peukara haba lon peutroh
Pikiran awoh lagee teu peeh-peeh

Watee lon ingat meukeumat sa-oh
Harapan hantroh laen meu poleeh
Cinta gaseh lon meutampong tanggoh
Ngon hate tuloh kanda ulon preeh

Masa keu masa meutuka kayoh
Seumaken tanggoh cinta han lileeh
Saban meurasa cinta han runtoh
Adak pih jioh hana meudaleeh

Gaseh han leukang sayang han awoh
Lagee seuparoh hate han meu kleeh
Ateuh rintangan saban ta teumpoh
Deumi bek runtoh saban meu tak teeh

Bandum cobaan simban yang katroh
Saban meu teumpoh kiban yang bereeh
Ulon ngon cut bang baksang han putoh
Harap si lampoh meuhoe pula bak ceungkeeh

Tapi peucuma sia ban sunggoh
Lagee beureutoh ulee meu itak teeh
Meu thon-thon masa cinta meu bungkoh
Lam sigra runtoh han pat peuroteeh

Pihak ureung chik tijik geu peutroh
Gop yang seumajoh ulon yang peu ceeh
Hana lon sangka meunoe meusa-oh
Han sapat piyoh ureung lon preeh-preeh

Ureung chik peukrab harap peungayoh
Ulon abang beoh ka hak gop cukeeh
Ka geu peujodoh geuteu oeh sunggoh
Meu'ah abang beoh ulon bek na meudaleeh

Gaseh ngon kanda hana lom luroh
Cinta han putoh kawen han jadeeh
'Oh noe meumada haba lam ratoh
Meu'ah rakan beoh sslah meucukeeh

KAWEN NGON IBUK ####

Nyo tameu kawen, ngon ibuk guru...
Tok uroe minggu, yang na di rumoh...
Menyo nafakah, dumpu ji bantu...
Sampo bak breh bu, tinggai tapajoh.

Nyo tameu kawen, Ngon ibuk kanto..
Tanyoe ji atoe, sagai bek bengeh...
Beu ngeoh poh 5, katinggai kasoe...
Lakoe geu Marie, Ijak sampoh broh...

Nyo tameu kawen, ibuk polisi...
Si aneuk bayi, tinggai di rumoh..
Saweub jih tugah, bak pramugari..
Kadang adek to, kaji woe bengoeh..

Nyo tameu kawen, Ngon ibuk TNI..
Beu seb mengerti, tatung purumoh.
Saweub jih tugas, bak NKRI...
Tanyoe suami, bek beu ngeh ngeh..

PU PLUNG PANGGANG**
ABU BINEH KRUNG

Pakon meu nan, akai gata...
Tatem lupa, ka keu ABU...
Tatem pasah, lon hai dinda...
Hana rasa, meu si geu tu...

Memang ABU, ureung hana...
Tan hareuta, gasin ma ku..
Tatem paleng, gata dinda...
Meu noe cara, ka peu laku...

Long kaku bah, laen mita..
Pakon gata, meu waba hu..
Masa dilei, yoh meu cinta...
Sayang raya, kah keu ABU..

Hingga nikah, tanyoe dua...
Bak KUA, geu jok buku...
Oh ban kana, aneuk dua...
Mita cara, laen laku....

Aneuk aneuk, tan kakira..
Ngon si baka, ka meu rayu...
Katem pu plung, panggang tuha..
Kureung aja, dari maku...

Jinoe ABU, seb meu rana..
Tan le nyo nya, lam keu lembu..
Singkat kata, singkat cerita..
Lon nak mita, laen dapu...

Pat toh roh na, inoeng janda..
Kon lon goda, nikah aju...
Saweb dilon, katreb hana..
Asam kana, rab tikoh hu...buaaaaa

Meu soe yang tem, laju WA..
Si gra si gra, jinoe aju..
Nyoe meu cewek, hana cara..
Saweub apa, si droe tgku..

KIBAN HAN DAWA ###

Kiban teuma, ka han dawa...
Droneuh kanda, cukop bakhe...
Umu ka chik, reughiek pala...
Manteng hawa, peu dekate...

Watei neuwoe, jula jula...
Peugah keurja, bak erbete...
Wate ta cek, leumah nyata....
Dahai janda, neujak ruge....

Wate gaji, buleun muda..
Keu beu lanja, tan neupike...
Bek an ta kheun, blo bu busana...
Caplie sira, han tom neu brie...

Keu alasan, bak long neuba....
Gaji keurja, niet that erpe..
Dahai abeh, neu boh pulsa...
Paket data, dalam hape...

Sampe dilong, wah keurija...
Lam uroe kha, tarek awe....
Yak tung upah, lon rhah ija..
Bak kak mala, prumoh toke...

Watei ta eu, kontak WA..
Aneuk dara, dum meuritie....
Abeh neu chat, pakat jumpa..
Uroe lasa, pajoeh sate....

Dua blah thon, rumoh tangga....
Han toem neuba, kei jak jeje..
Inong Laen, sabe neba...
Ateuh honda, rawe rawe....

Bansaboh nyan, sabe neba...
Manohara, trok u pante...
Nyo di rumoh, sapue hana...
Aneuk lakei, hana beu brie....

Pue lom kelon, tan beu kira..
Bajei Ika, tan tom belie
Ija salen, tok neu kira...
Laen hana, sapue neu bri....

Menyo menoe, wahe kanda...
Ulon si gra, laju neu cre...
Saket ulei, ulon kanda..
Lakoe lon na, janda sabe

DONYA CANGGIH

Do nya ka maju,, le pah that gura,,
Le yang dara,, akai ka batat,,
Jisok liweu,, sarat boh fha,,
Bak bak muka,, jiboh kawat,,

Watei ta eu,, di dong gamba,,
Urueng buta,, suwah meu ucap,,
Tamah bajei,, top anggota,,
Deuh uluwa,, pusat_pusat,,

Yag meu cadar,, barang langka,,
Si droe dua,, golom ji lhap,,
Man toeng atoe,, urueng tuha,,
Mantoeng ija,, ngon jeu lebab,,

Dak na hadir,, bak musalla,,
Dak na geuba,, peu buet kitab,,
Meye ka troh,, minggu teka,,
U kuala,, jak duek siat,,

Taneuk kalon,, yag sempurna,,
Nyan ka hana,, ban khen surat,,
A'k_A'k itam,, geu umpama,,
Ka ja rueng na,, hai sahabat,,

Pulom puteh,, taneuk mita,,
Abeh donya,, golom meu pat,,
Bek tapike,, nonggroe luwa,,
Bek le taba,, yang nan arab,,,

Yang loen peu gah,, dalam rika,,
Aceh yang ka,, jinoe siat,,
Taneuk kalon,, deu ngon mata,,
Hana raja,, le yang teu pat,,

Urueng kabeh,, ikoet masa,,
Gaya luwa,, yang ka di lhat,,
Dak peu ingat,, bak ulama,,
Kabeh dumna,, putoh kawat,,

Ladoh meu noe,, lom cerita,,
Ke yang dara,, yang ka batat,,
Mita cowok,, urueng kaya,,
Yang na S A,, si peu jabat,,

Na lhei minggu,, ikat cinta,,
Na di ba_ba,, meu 6 tempat,,
Watei ka ci"p,, nyan plok saka,,
Pegah sama,, agam lem pap,,

Ke peu katuen,, bek takira,,
Meu hi kota,, sang pejabat,,
Ta eu rumoh,, sinyak dara,,
Slumpang taba,, ngon ta ikat,,

HANJADEH KAWEN ###

(Cewek)
menyoe lam jaro, kana boh tomat,
dalam galah pukat, lon leng lam batee,
menyoe di abu, kaleuh gob ikat,
Si bungong jagat, bek le lon pike ,

( Cowok)
lagak wareuna, si bungong langsat,
dikap lee ulat, geu tah dum jilee,
meu ah hai adek, Bekle ta ingat,
jino lon siat, ka gob po hatee,

(Cewek)
angen sep teuga, di pot ubarat,
meu blee hu kilat, ujeun dalam glee,
saket lam jantoeng, puntong sang urat,
ureung lon harap, ka gob yang kawee,

(Cowok)
cicem keu didi, jidong that rapat,
bulee jih jagat, babah meu suwee,
pakon yoeh awai, tan gata hajat,
goh lom gob ikat, gaseh meu sampee,

(Cewek)
Jalan kulu gle, ureung blo coklat,
Apotik ubatt, tan ji blo padee,
masa yoh awai, dilon malee that,
hanjeut lon ungkap, hajatan hate,

(Cowok)
keudee meu reudu, ramee yang teupat,
sinan geu meukat, ija ngon sipree,
bak seu bab malee, han trok ban hajat,
oh lheuh gob ikat, baro seu mikee,

(Cewek)
abeh raseuki, putoh ibadat,
pasoe lam jeurat, ureung ka matee,
Lhei on, on buku, lon tuleh surat,
Kalheuh lon lipat, di miyub sipre,

(Cowok)
menyoe lam paya, le ungkot supat,
pakon han di kap, watee ta kawee,
bah keuh geu tanyoe, jino sa habat,
saleng meu curhat, bak layeu hp,

( Cewek)
ureung top tupong, jingki geu jungkat,
ngon su that arat, mandum ji saree,
mungken bak tuhan, kaleuh geu surat,
tanyoe han sapat, hudep ngon matee,

(Cowok)
ija geu sabon, lheuh nyan geu sikat,
oh lheuh geu cupat, baro meu hasee,
jino ka mita, hoe laen tempat,
timu ngon barat, kaci jak kawee,

MITA USAHA ###

Cukoeb thad puteh, si aneuk cina.
Ka biru mata, di aneuk bulek.
Lon tuleh ca'e, oh malam jula..
Ni bak beu randa, abu nak peu_ek.

Ka nasip ureung, di dalam donya.
Meu beda-beda, ta nyoe hai adek.
Ni bak mita peng, meu macam cara.
Ka hana sama, oeh watei tacek.

Yang ladom ureung, ka gasin papa.
Yang ladom kaya, cukop jai po brek.
Yang ladom ureung, ka cukop gura.
Di goeb nyan rupa, cukop na cantek.

Ngat bagah kaya, ta meu kat saka.
Yang ladom syara, meu kat boh putek.
Yang ladom muge, ka boh meu riya.
Yang ladom apa, muge boh itek...

Na cit yang ladom, jeut pe ngusaha.
Geu bloe2 lada, ka di cot girek.
Na cit yang ladom, ka geu niaga.
Nibak selasa, ba ija batek.

Contoh agei lon, kujak keu rija.
Ngon ma sidra, pineung kuculek..
Saweub tib uroe, dalam uroe kha.
Ulon lon keu rija, ka meu noe hai dek.

Lon muge pisang, ngon tangen unta.
Untuk croh bada, peu goet boh rubek..
Asai beu tatem, ta nyoe U saha.
Dak hana kaya, ka seu nang hai dek..

Ka contoh neu e, nyoe pat bak gamba.
Dalam uroe kha, pineung lon culek..
Uroe lon culek, pineung lam raga..
Oh malam jula, culek boh itek..buaaa

Ka lheuh meu kawen, ngon si droe dara..
Cukob setia, han toem ji asek..
Si Ali Juli, pih na usaha.
Ijih keu rija, bak tower jiek..

Nasit yang ladom, yang dara dara..
Buka usaha,, apam yue culek...
Asai beu na peng, ka abeh cara...
Adak luka fa, kabak U geu ek...

Asai pokok jih, tanyoe lam donya.
Beu na ikhtiya, meu peu-peu yang ek.
Oh lheuh seum bayang, ta nyoe meu do'a.
Bek putoh asa, geu tanyoe hai dek

Kasep keuh dilei, lon wawancara.
U lon jak gisa, jak eh lam bilek.
Meu'ah lon lakei, bak rakan dumna..
Kadang tan koma, roh lon boh titek...

DAWA SABE

Pakon gata, galak dawa..
Ban beok ka, jeut keu pake..
Tan ta ingat, yoh meu cinta..
Tajak dua, bineh pante...

Gata ucab, keu lon cinta..
Sampoe tuha, hudeb mate..
Pakon jinoe, meu noe cara..
Peu got dawa, kahan tom pre...

Kiban hansep, lom beu lanja...
Hantom lupa, lon bri sabe...
Dak oh malam, sampeng gata..
Hantom cupa, dilon sabe..

Dak teu mon bu, sabe mita..
Hantom cupa, udeng bace..
Ci tabuka, tutop raga....
Ateuh meja, punoh cupe...

Soal jajan, peng si kula...
Aneuk ta nyoe, log bi sabe...
Cuma akai, cit meu buya...
Ta seu rapa, ulon sabe...

Hana laloe, lon ngon janda..
Meu bek gata, salah pike..
Yang gata e, yoh barosa....
Aneuk apa, lon woe di gle...

Ji lakei ek, nibak honda..
Abu jiwa, rab meu gule..
Jiek batei, ateuh bhan honda..
Nyan jeut jiwa, hai boh hate..

Bek lah gata, meu nan cara..
Tameu dawa, ngon lon sabe..
Pue lom aneuk, ta nyoe kana..
Beu le saba, hai boh hate...

Jinoe jak woe, ju beu si gra..
Sampoh muka, ie mata jile..
Hana laen, yang lon cinta..
Cuma gata, yang di hate..

Tajak manoe, ju beu si gra..
Dalam kamba, ju tagule..
Gantoe bajei, sok piama..
Ngat selera, ABU sabe...

Atei lon woe, ngat selera..
Lon e gata, hawa sabe..
Yoh goh kawen, sex si raya...
Ban aneuk na, meu roeh kon le..

Meu kamoe, ka jareng na...
Geu tik banga, anggui cupe...
Kaseb oh noe, ulon rika....
Meu ah kanda, e bohate....

Mita Sambinoe

Alahay adek,cantek that rupa,,,
Di loen teugoda,hay bungong mawoe,,,
Senyuman mameh,perseh purnama,,,
Peu keuh adinda,mantong teuh sidroe,,,

Maksud lam hate,kande loen sapa,,,
Neuk pegah haba,hay kuntom panjoe,,,
Beu that pih male,lahee ka nyata,,,
Loen ilah daya,gata meu peutoe,,,

Sebab loen tupue,meulue lam desa,,,
Tamat S M A,hay dek thon baroe,,,
That mantong lugu,ayu jeulita,,,
Di loen teu goda,neuk cok keu binoe,,,

Peu keuh dek tatem,meulageum cinta,,,
Padue asmara,dua geutanyoe,,,
Ta aroeng bakat,sapat seureta,,,
Di dalam betra,saboh keumudoe,,,

Beu that pih bahya,sama ta rasa,,,
Lam suka duka,beu ek meu hiroe,,,
Han mudah goyah,tabah lam dada,,,
Meunan loen mita,calon sambinoe,,,

Cie cuba pikee,dilee beu sigra,,,
Bek bagah lanja,ta tueng uloen nyoe,,,
Bek sampe teulah,peu sah di haba,,,
Singgoh keucewa,hay dek roeh ta moe,,,

Menyeh ka yakin,izin ka nyata,,,
Bak ayah poma,lajue loen peu toe,,,
Meu lakee restu,lajue ba peuha,,,
Keu gabah gama,hias meuligoe,,,

Beu that meulinteung,meukaleung dama,,,
Meu jaga gata,malam ngoen uroe,,,
Bek roeh gob jak sheung,meutinteung lara,,,
Sabee loen puja,ban sidroe putroe,,,

#CUPEE_NGOEN_PINGAN

Meuheut sang rasa kanda kenalan,
Ngoen gata intan yang mantong sidroe,
Hawa loen imboek lon culok peusan,
Katreb meuangan lon lambai jaroe,

Tapi hai adek cantek rupawan,
Di uloen tuan malei meukeudroe,
Sang kureung cocok luhok sang menan,
Bak sidroe bidan ulon jak peutoe,

Kutakoet diloen kuntoem idaman,
Hana balasan meutamah sakoe,
Maka loen suroet ulikoet simban,
Walau pikiran teuka meucawoe,

Loen sidroe ureung yang kureung mapan,
Kadang kerjaan peucukoek beusoe,
Kadang dalam ie loen cari makan,
Tiep uroe tuhan jitoet lei uroe,

Pane na sabee cupee ngoen pingan,
Koen jioeh meunan oeh tanging adoe,
Saban boeh panei tentei chiet katan,
Tabrie harapan hana pu lumpoe.

Maka tan jadeih peumeungkleh badan,
Sapei enoe an hana loen pakoe.
Beuthat pih rasa meubura meunan,
Lakei bak tuhan beuek peutuwoe.

RUGOE TUMPOK

Boh perendang bhue, cukop lagak,
Asou that ka fak, jeut perati.
Menye pusa, nibak tapak,
Kuat jijak, rata pasi.

Liweie puntong, cukop galak,
Ija sawak, jih elergi.
Nibak muka, peu nouh bedak,
Geumeu likak, silop tinggi.

Mangat di thei, seupo sinyak,
Ayah ngon mak, that ter puji.
Senang hate, aneuk lagak,
Oh di hayak, ngon lewei li.

Hana geu than, atei jijak,
Saweb lagak, Aneuk tari,
Soe yang jak cok, laju ji rhak,
Pusa tapak, Aneuk keji,

Rame jamei, bak JIH jijak,
Tamu sinyak, jak ngon mersi.
Ladom teka, me boh salak,
Bapak bapak, ba boh giri.

Pajan ge thei, hawa rujak,
Rokok sibak, ngon ie kupi.
Nyan keuh baro, peh peh talak,
Ayah ngon mak, ngurong diri,

Bak tetangga, han geu jet jak,
Saweb sinyak, kabei hanyi,
Suwah gemoe, ayah ngon mak,
Saweub si nyak, rabna bayi,

KAWEN HAN JADEH ###

Kaleuh ulon jak, ugampong riseh...
Unanggroe aceh, kaleuh lon puta...
Wate lon ingat, ulei suwah peh...
Kawen han jadeh, kamoe nyoe dua...

U pulo sabang, kalueh lon tak teh...
U puloe aceh, kalueh lon jakba...
Tapih meu halang, teutap han jadeh..
Aleh peu daleh, nibak uroe ha...

Nyan jeut ulei lon, kahan jeut tupeh..
Kawen han jadeh, ngon si droe dara..
Cinta han putoh, kawen han Jadeh..
Ulei lon setreh, sampoe an tuha..buaaaa

Kuwah sie manok, na geu boh cengkeh..
Di kuwah lodes, masakan jawa..
Rugoe meu cinta, awai lon cukeh...
Kahek lon tak teh, han jeut keu atra...

Memang ka taqdir, kawen han jadeh..
Suwah lon takteh, laen lon mita..
Meu nyoe na yang tem, laen peu jadeh..
Nikah U si breh, sigoe ngon pesta...

Suai jeu lamei, beu rangdum jadeh..
Inoeng beu shaleh, yang kong agama...
Meu nyoe meu cewek, takot han jadeh...
Yang na meu rak reh, akhe keu cewa..

HAN EK LON BINA ###

Pakon keuh jinoe, wahee adinda,,,
Gaseh ka fana, menyum rap putoh,,,
Oh wate loen woe, ta peu kroet muka,,,
Ta anggap kanda, lage sang lapoh,,,

Bahtera cinta, yang trep ta bina,,,
Sang karap mala, jeut tarek saoh,,,
Di lee bahgia ,meu gantoe duka,,,
Biet han loen sangka, wahe adek beh,,

Menyeh lagee nyoe, sabee tiep masa,,,
Bah keuh kekanda, tanyo Meu putoh,,,
Han ek loen peu theun, sengkak lam dada,,,
Akhe kecewa, badan loen awoeh,,,

Han ek lee loen theun, hudep ngoen gata,,,
Leubeh get dinda, geu tanyoe putoh,,,
Ka dari jameun, sang gadoeh saba,,,
Hana free masa, sabee di lhap broh,,,

Saket dalam beun, bak peu theun cinta,,,
Suwah peu gala, tanoh ngoen lampoh,,,
Sabee peu kateun, akai sep gura,,,
Oh sue um dada, dak jeut kah ku soh,,,

Leubeh get hay dek, bah loen yg bungka,,,
Bek troeh lon gisa, loen jak beu jioh,,,
Nyan lampoh putek, jeh kebon pala,,,
Begot kajaga, Adoe kapajoh,,

Padahai di loen, demi keu gata,,,
Kara paya, ka abeh lon bloh,,,
Bak pihak adoe, hudeb bahgia,,,
Teutap meu saba, beu that lee musoh,,,

Han ek hai ado, gaseh lon bina,,,
Rasa lam dada, han pat loen peu troeh,,,
Han toem lom pubut, peu dua cinta,,,
Laen lon mita, peu nawa tuboh,,,

Nyo trep loen saba, yang na kecewa,,,
Sebab di gata, peu ranggui angkoh,,,
Ngoen si blah mata, ta nging kakanda,,,
Sebab ka nyata, tukang sampoh broh,,,

Hana lee meu ah, ka loen cap tanda,,,
Malee sep raya, ngoen ureng jioh,,,
Dak pieh ta seumah, ta moe meu Aa_Aa,,,
Loen niet than lee na, beu that pih sunggoh,,

Karena hate, ka ta peu luka,,,
Saket loen rasa, ban saboh tuboh,,,
Ta niet ka mate, bek lee ta mita,,,
Laen peu nawa, adek ta laboh,,,

Doa loen kirem, slamat bahgia,,,
Bak yg keu dua, dak jeut bek putoh,,,
Beu jeut ta takzem, ta peu mulia,,,
Bek roeh meu gisa, nyan akai buloh,,,

KECEWA

Lagak eon tubee, watee ujeun tren.
Bungoeng sitahon, timoh meubanja.
Waalaikum salam, lon jaweb panton.
Kakeu Adoe long, teungoh keucewa.

Takoh eon meuriya, tacop keububong.
Bek reuloh tampong, oh ujeun teuka.
Long kalon gata, sedeh hatee long.
Cinta di ulong, bukon kon keu gata.

Di mano hara, batee meu suson..
Lagak ngon pusong oh ta eu rupa.
Bukon Tan cinta, di Abang Patong.
Bek lee adek Long, gata kecewa.

Didalam cilitra, long pasoe tiong.
Lon lihat bk bubong, keu ayem mata.
Bukon Tan cinta, rasa hatee long.
Keu adek payong, tan jatoh cinta..

Rayoek that tegu, ideh di bandong.
Meu heut hatee long, jak kalon sigra.
Bek lee keucwe, Wage adoe long..
Tami ta sombong, ngon laen kanda.

Meumada oh noe, panton lon karang.
Adoe lon sayang, beu jeut syedara.
Adak Meu rumpok, gata dengon long.
Beu na tasanjong, bek paleng muka.

Sekian

PUTOH HARAPAN

Wate rhot ujeun, meulinteung kilat
Sibungong lansat, meuhat mandum rhot
Lon baca jangeun, bayeun lam surat
Sang sang lam urat, teupat dum atot
***
Sidum nan peudeh, tuleh hikayat
E bungong riwat, ie mata lon rhot
Gaseh ta cureh, bak binteh teu lhat
Mandum teu ikat, meuhat teu sangkot
***
Tika yang ta leung, meukaleung rambat
Siblah rot barat, hantrok lon ceugot
Jaroe lon sunyung, lam ruweung meuhat
Lam cahya kilat, surat angen pot
***
Cinta ta uke, meu ribe tempat
Lage ek lalat, meukarat parot
Sayang mu pade,reule buet ulat
Cinta lon ikat, laen ta ceugot
***
Tetapi jinoe, bagoe laen that
Ulon ta peurap,meuhat takawot
ie mata teu roe, bagoe teucupat
Meuah ta ucap, bak lon ta seubot
***
Wate ie paseung, meulinteung bakat
Dhoi kaye coklat, angen peu ba pot
Han mungken lon tueng,bayeun meukawat
Gata syakubat, ngon lon han patot
***
Pinto hate nyoe,ka teu top rapat
Bek le e sahbat ,ulon ta kawot
Keunangan tanyoe, oh noe meulipat
Mandum Hikayat,meuhat ka lon toep

BEK ANGKUH ###

Wate awai, saban anggoek..
Mandum tundoek, per juangan..
Adak ta eh, dalam leuboek..
Sama teugoek, ie lam cawan..

Dak pajoh bu, jet aneuk jok..
Saboh temon, saban kawan..
Hana dawa, ka meu beu ok..
Haba lon jok, beok rakan..

Pakon jinoe, akai ka broek..
Wate datoek, mat pimpinan..
Wate lagak baje neu soek..
Keu ureng joek, neu lupakan..

Ureung aceh, yang mat tumpok..
Bek ka inchoek, beu rangkaban..
Bek oh kana, pangkat be ok..
Langsong maboek, keu jabatan..

Inoeng janda, Kabeh batok...
Tansoe najok, kaban tuan...
Di pasukan, Kabeh batok..
Lam gle pacok, mebut jih tan...

GASEH MEU SUBEE

Sekuntum mawar keumang oh senja
Indah tat rupa timoh bineh lheun
Harapan hate lon gadai cinta
Kaleuh lon tanda sidroe cut beleun.....

Andai lon gadee gaseh seutia
Peukeuh na rasa bak gata bayeun
Tapi kareulee bak hate gata
Meu subee cinta gata keu adun....

Menyo bit gata tan lee setia
Balasan beuna tabi keu adun
Ho taba janji bak bibi gata
Masa ngon gata yg kaleuh takheun.....

Masa ta ukee jalin asmara
Di pante lhok janji ta peutheun
Pakon keuh jino tabalek cara
Ta anggap hana cinta keu adun....

Sayang bijeh phiek kaleuh lon pula
Jitimoh hana wab kureung ujeun
Menan keuh cinta tanlee seutia
Dak lon boh baja kajeut keu uteun...

Bungong cempedak duroh oh senja
Bungong dahlia kumang oh ujeun
Kenangan cinta ngon bungong desa
Harapan sir na cinta lon peutheun...