Panton Aceh Yoh Ban Nikah
YOH BAN NIKAH
Yoh phoen mecinta, indah han sakri.
meu bei sang wangi, dak pih bei geun toet.
saleng menyayang, sama mengerti.
adek wahyuni, hantoem ta dhoet-dhoet.
sabe telepon, malam ngon pagi.
hallow dek rani, ngon su kop lumboet.
peutra dek pegot, sekarang ini.
pu kaleuh mandi, hai bungong ramboet.?
golom lon manoe, jaweub dek uni.
itek beulati, teugoeh lon peuloep.!
teuma di abang, pue ka lheuh mandi...
apa terjadi, aci neu seu'oet.?
ulon disinoe, hai dek wah yuni.
teungoeh pajoh mi, dengon ie si trop.
baro abang woe, bak toke gani....
meujak cok gaji, bak toke dawoet.
abang pih sama, golom syit mandi.
mantong bei hanyi, lagei bei engkoet.
abang piyoh hek, siat hai dek ti.
golom setedi, bajei mantong kroet.
pokok jih ngobrol, itu dan ini.
lagei bak tivi, pilem bollywoed.
adek bohate, sabe bak bibi.
jareung terjadi, pake ngon riboet.
beu toi geu peugah, peu patah jawi.
cinta mula-i, tamselan bawoet.
sang2 han lekang, sampo an mati.
lagei meugunci, ngon busoe teu toet.
teu tap ta cinta, waloe tan tari.
dak pih bak gaki, cukop jai paroet.
meu nan keuh contoh, cinta bersemi.
Iek iek si nyak ti, tatem lhab ngon puloet.
terasa indah, di dalam hati.
hana podali, abeih peng bang kroet.
waloe di cu tiet, tanyoe le dek ti
hana ta maki, cit han roeh ta dhot.
meu hoi sayanglah, engkau ku impi.
sabe kunanti, malam ngon seu poet.
adak peng halang, datang bertubi.
abang meu janji, hana ku suroet.
menan chit adek, sigra meu janji.
peugahlah ini, itulah geun toet.
dumho abang jak, adek ikuti.
adak u saudi, teutap ku ikoet.
rela pajoh bu, dengon terasi.
hana padoli, adak tan eungkoet.
asai hudep lon, ngon abu tari.
waloe lam kali, rela adek groeb.
singgkat ceurita, haba lon rawi.
duduk peu lami, kisah seu lanjoet.
oh leuh nyan teuma, ka lahe bayi.
sinan phon meuri, cinta di suroet.
lanjut oh dudoe, laein terjadi.
gaseh yang suci, tinggai si atoet.
bacut kureung peng, ngon bloe hembodi.
abu yang tari, ji rhoem ngon sugoet.
nyata oh dudoe, la'ein ta-eu hi.
sayang lam guni, katan le lagoet.
bacut teu lat bu, masak ngon kupi.
adek maryani, laju ta caroet.
namun bak akhe, hana teu bukti.
cinta abadi, sirna angen poet.
inong pih saban, agam pih sakri.
awai bak janji, tuwoe ta kheun chop.
kaseb keuh dilei, ca'e lon rawi.
meu'ah beu neubi, kadang na iroet.
neu maklum mantong, wahe e akhi.
bidang meunyanyi, dilon han sanggop.
Meu nan keuh contoh, haba lon rawi..
Rame terjadi, awai su leum boet.
Watei lheuh nikah, ka ji mulai..
Bacut bei hanyie, meu geu dham ji dhoet..