Panton Aceh ' Kecewa Gata Ka Ta Meukawen'

Berikut ini adalah contoh pantun bahasa Aceh yang berjudul Kecewa Gata Ka Ta Meukawen Ngon Gob, Sedangkan Lon Mantong Cinta

Ranteng kayei gle , sare dum patah..
Angen peu bicah , teu ga bukon le...
Teu ingat sabe , hate lon keu kah...
Sampe juet gundah , di dalam hate..

Walau hana le , ilon deu ngon kah...
izin lon singgah , siat boh hate..
Adak na laen , gambe yang ceudah...
Han saban ulah , ngon gata pie...

Adak lon pike , bukon wab susah..
Lon ingat keu kah , teu bayang sabe...
Nyan jeut teu lumpoe , adoe lon keu kah...
Tutoe lon ruwah , han ek peu theun le...

Walau pih tanyoe , kata meu pisah...
Lam hate beu kah , dak jeut bek meu cre...
Paki ta peu goet , ka eh noe kisah..
Han jeut lon peu gah , luka lam hate...

Jinoe teu bayang , oh rung peu rebah...
Adoe meu tuwah , teu ingat sabe...
Sang sang di sampeng , ka agei na kah...
Meu nan meu tuwah , watei lon gule..

Ho keuh ulon ba , hate yang beu kah...
Pat lon peu singgah , hai bungong pade...
Walau pih dilon , ka lheuh menikah..
Teu ingat keu kah , sagai hana pre...

Adak di adoe , ngon laen nikah..
Tan masa alah , adoe boh hate..
Yang penteng ta nyoe , hana meu pisah..
Oh rindu keu kah , beu jeut ber jum pe..

Bukon geu tanyoe , ka han troh nikah..
Saweub wab ayah , han geu si reu te..
Oleh seu bab nyan , nyoe ulon peu gah..
Rindu lon keu kah , tib malam sabe..

Meu nyoe na watei , adoe meu tuwah...
Bak lon ta langkah , siat boh hate...
Pue lom ma sigam , ijih ka leu pah...
Jak saweu ayah , jiwoe u sigli...

Meu han jeut menan , bah ulon lang kah...
Lon jak nibak kah , kiban boh hate...
Watei tan lakoe , ka bri lon langkah...
Takue thad reu ah , cut bang boh hate...

Mubek ka peu rhob , yang ulon peu gah...
Mubek ka rajah , bak lakoe kande...
Mohon lon lakei , adoe nibak kah..
Hawa meu leum pah , taeh lam si pre...


Timoh keurundong atueh puncak cot
Rapi jeunurop hana di seuk ceu
Geulumbang utak hayal meuwot-wot
Badan hana got ipoh le rindu

Gaseh loen tanom timoh cukop cot
Meusikrek urot die'k han mampu
Tumboh ulanget teudong bak2 sot
Hana yg trok pot dak panyang taku

Cuma keu adoe sidroe di seutot
Walau hana got carita syahdu
Walau tabalah gaseh yg peyot
Golom na keng kot meuparu-paru

Beuthat hana le reule teugoh rot
Bugong loen seutot ka laen pageu
Tapi nan gata mantong dek bak sot
Teuduek cukob got hana soe ganggu

Jodoh ka geujok ta papah got
Tamse jeunerop yg peutimang ceu
Pateh amanah bek cikok leubot
Adak di seupot bek jeut keukaru