Panton Aceh Terbaru NASIB BAK LEUBUE
Panton Aceh Terbaru NASIB BAK LEUBUE yang artinya Nasib Bunga Keladi
 |
| bunga keladi |
NASIB BAK LEUBU (NASIB BUNGA KELADI )
Dilee bak leubue timoh lam lampoh
Ngen bak sikhoh-khoh sare teuglong-glong
Hana soe hajat hana soe bungkoh
Malah geubloh-bloh geu-gidong2
Geutak ngen parang geucang-cang putoh
Lheuh nyan geusampoh bek seumak mantong
Tetapi jinoe wahe rakan beh
Nasip seumeulhoh alias kinclong
 |
| Bunga Keladi |
Bak keude bungong han ek jibungkoh
Yum jih meureutoh teutap geuborong
Di kawom ummi han teudoh2
toe dgn ji-oh pat2 na mantong
Lam2 lampoh jrat abeh geusampoh
Yub2 geureupoh han jiteumeung dong
Bah dalam paya teutap keunan troh
Langsong geubungkoh lam pasu geuglong
Bah pih abeh peng bah teubiet reu-oh
bah teungoh seungkoh teutap teukeunong
Yang hana peng droe ngen lakoe kiroh
Neubi abang beh 300 mantong
Meunyo han neubi peutak beuji-oh
Yoh goh kububoh ci neudong beukong
Meunan keuh ta-eu mak2 dum riyoh
Get tan seumajoh dari tan bungong
Demam bak leubue teungoh that tangkoh
Pajanleh putoh ya nggak tau dong
Dilon that hireun watee lon lhoh2
Hai bak gatai beh abah lon teuplong
By Pak Alfian MA Peudawa