Pantun dalam bahasa Aceh lucu tentang meukawen

Pantun dalam bahasa Aceh lucu Meukawen

Tan guna hase, pade lon rawat
Dudoe that geupap, untong gop kareu
Lon tamse bangon, hai bungong riwat
Gaseh ta ikat, meu halang pageu

Pageu meuhalang, meu beuntang kawat
Beu that lon karat, hantroh talingkeu
Dua droe insan, poe taman langsat
Yang jaga teumpat, bak lhok dengon deu

Emang nyo gaseh, puteh meu kilat
Jantong meu sapat, sayang hantom pheu
Cuma nyo pawang, kiban beu rangkat
Jalo meu ikat, BETRA TAN LAYEU

Beu that lon kayoh, baroh ngon barat
Angen peu darat, lewat meu dreu dreu
Ujong akhe buet, hantroh ban hajat
Rugoe seu nipat, tan meu peu sapeu

Kakeuh lon surot, peu likot leugat
Bungong lon rawat, bah gop jak biyeu
Ngon hate peudeh, gateh lon jungkat
Beuthat ate klat, kalon balek keu

  BALASAN

Beunalu PALET, MEU LIWET puta
Bak kayee raya, ji salop cabeung
Ka padumna TREP, LAWET Meu cinta
Pakoen Hai Kanda, Hana Sapeu Kheun

Kiban NEUGAMPET, SELUNG KET sutra...
Nyo han neu hila, rhot ateh naleung...
Pajan NEU GAET, LILET dahlia...
Meunyo usaha, droe neuh seb kureung??

Aci Neu UNGKET, BANGKET seu geura...
Jok ureung tuha, haba neu sunyung...
Bek le peu WET2, SIBAET kata...
Alasan neuba, jeu lamei kureung...

Neu peugah HANSEP, watei lon yu ba...
Deungon adinda, beda seu rayueng....
Keubit that SAKET, FET dalam dada..
Troh oh hat Masa, dinda teung bayeng..

Pakoen jeut NASEB, HUDEP lam lara...
Karna rupia, cinta meu kaleung...
Neu tem peu ALET, RAKET NEUPUTA..
leumoh anggota, golom bertarung.....

Kira jih KAWET, SIBLET neu coba....
Ureung syik neu ba, pasti geu maklum...
Han mungken GEULET, GEUHAPET nuga...
Cuma kakanda, ureung jih geu suen....

Awai neu TILEk, PADiP seun masa..
Jinoe seu ngaja, cinta neu sin teung.
Peu meuceh sare, gari neu puta...
Ureung biasa, pih na peu teumuen....

Siab dinda jeb,, lon JEB ie tuba...
Teu keudi kanda, Droeneuh han geu tueng..
Teutapi SIBLET, WAJEB neu coba...
Neujak ba peuha, bek lee ABU  plueng...

Bek le KE kanda, NEU pet oh seunja...
Oh gob ba tanda, baro meu raheung.....
Meunyo bit KASEB, RINGGET neu mita..
Neujak bi haba, bak akhe buleun..

Laju abu WOE, KENOE, kenoe beu sigra.
Jak tung adinda, necok petumun...
Pasoe lam BIDEUN, WALAUPUN papa...
Ulon sedia, hai ABU lon kheun...

Han meceh 10, ABU ba tanda...
Ube neu suka, di adoe lon tung..
Bek le neu pike, LON UREUNG kaya...
Siab sedia, ABU ULON tung...

Di dalam WIRED, RATEB beu teuga..
Doa neu pinta, jaroe beu neu leung....
Moga beu jadeh, MEU GATEB dua..
Saboh bahtera, geu tanyoe arung...

BALASAN

Kaleuh loen pegah, dilee saboh roe,,,
Bek kah hai adoe, keu lon bek cinta,,,
Yg na dek telah, sesai oh dudoe,,,
Hai  bungong mawoe, han troh ban cita,,,

Di loen hai adek , koen aneuk mentroe,,,
Tan titel dotoe, peu loem sarjana,,,
Ciet buruh pabrek, but kerja kutoe,,,
Meu jan dek jaroe, meu laboe sira,,,

Laen ta tilek, ta cok geu nantoe,,
Hai putik panjoe, pateh kakanda,,,
Ureng yg lisek, akai seb bagoe,,,
Loen yakin adoe, gata bahgia,,,

Bek lee ta harap, wahee ee mawoe,,,
Umue teuh rugoe, akhe keucewa,,,
Dak pieh ta peu rhap, han saban bajoe,,,
Akhe meu paloe, lam menderita,,,

Ta kubue mandum, kisah ka lampoe,,,
Hai naleung lakoe, sep ber sahaja,,,
Beu that pih sang nyum, saket lam asoe,,,
Tan daya loen nyoe, kawen ngoen dinda,,,

Slamat meupisah, hai kuntom jatoe,,,
Bah loen boeh nanggroe, jinoe loen bungka,,,
Beu that loen ilah, han troeh ta capoe,,,
Doa loen sampoe, ikhlas ngoen rela,,,

Mungken ka takdir, ha dek nibak poe,,,
Dua geu tanyoe, han saboh betra,,,
Koen lah loen ingkar, janji ka lampoe,,,
Koen keuh hai adoe, peu dua cinta,,,

TIJOH IE MATA
Derita hate. hana si bandeng
Teu siksa baten. ulon meu rana
Bandum setia. kanda peu lapeng
Lagee ngon lumbeng. neutop lam dada

Hana lon sangka. kanda meu paleng
Ngon ureung laen. neu bagi cinta
Gaseh neu umbar. sayang neu banteng
Maken ulon khem. kanda meu doda

Kanda peu got lon. ibarat gaseng
Kasep neu puseng. baro neu nit na
Ek sampe hate. kanda meu paleng
Laen neu paseng. di likot dinda

Lam ija lipat. neu pasoe gunteng
Ban lon keu releng. ka patah dua
Awai neu peugah. ngon lon si bandeng
Pakon na laen. meu cabeung cinta

Lage neu ikat. badan ngon sileng
Lage meu pateng. labang lam dada
Meu deh bek meu nan, cinta neu uleng
Ngon inoeng laen, di likot dinda..

SALENG MENUDUH

Laot that luah, meu halak jioh,
Lon hadu tuboh, keu masa depan,
Tanyoe meu janji, karap troh tanggoh,
Pakon adoe beh, ka laen jantan,

Ulon di ranto, seu boe ngon awoh,
Di salop reu'oh, bulut ngon badan,
Hajat ulon woe, jak saweu lampoh,
Pageu ka reuloh, kalaen jalan,

Ho keuh ulon ba, dada sang runtoh,
Pakon adoe beoh, lon jeut keu korban,
Teu rasa hate, lagee  teu reu boh,
Harapan gadoh, reu loh meu tiphan,

Pakon jeut meu noe, nasip lon neu boh,
Peu keuh tanda troh, bak lon ujian,
Mungken di ulon, judo goh lom troh,
Atawa jioh, goh lom na sajan,

Keu nangan dilee, kabeh lon hapoh,
Mandum ka runtoh, selamat jalan,
Bekle ta peu gah, bak lon taratoh,
Wahe adoe beh, ka troh penyesalan,

Kajeut keuh ohnoe, singkat lon peu troh,
Bek jeut keu musoh, yg merasakan,
Meu ah lon lakee, jaroe lon si ploh,
Mungken geu tanyoe, hana sipadan,

Lon lakei meuah, haba lon ratoh,
Jaroe lon si ploh, bak gata intan,
Watei lon ingat, dada beu reu toh,
Tapreh adoe beh, bak lon balasan,

 TEBAYANG SABE

Oh lon kalon, cut bang Abu.
Sabe rindu, hate dinda.
tingat wajah, ku terharu.
lam pingan bu, wajah kanda.

Han ek lon theun, hate rindu.
Cut bang Abu neu woe sigra.
Malam uroe, teuka rindu.
loen pajoh bu, tan selera.

Tingat kanda, hate pilu.
Tak bertemu, sudah lama.
Cinta loen ba, laot biru.
gunong gulungku, saksi nyata.

Cinta ulon, hana palsu.
ek ku tunggu, adak lama.
Tapi kanda, bek na ragu.
Cinta aku, butoi nyata.

Laot batee, cot gulungku.
Simpang mereudu, saksi mata.
Butoi cinta, dalam kalbu.
Han ku sibu, laen kanda.

Oh no mada, kisah rindu.
Galau aku, Hay pujangga.
angen dipot, lupie kalbu.
Hate rindu, pingin jumpa..

Hoka cut bang, bohate ku.
Keunoe tuju, siat kanda.
Aku kangen, sangat rindu.
hate syahdu, ingat kanda..


KAJADEH MEUKAWEN

Teum pat eh kana, jeu lamei kapah..
Adoe meu tuwah, lon lamar gata..
Bak ayah ngon ma, hai dek ka pue gah..
Abang meu langkah, lheu uroe raya..

Meu nyoe na umu, adoe meu tuwah..
Doa bak allah, lon lamar gata.....
Gata lon cinta, bukon keu wajah...
Adoe meu tuawah, budi bahasa...

Pue lom di gata, ka aneuk dayah...
Poma ngon ayah, ilon setuju..
Lon balek ti tek, lon tuka surah..
Adun meu tuwah , lon balek haba..

Hai rakan FB, bak lon ka langkah...
Bak tanggai 13, ku undang gata...
Mulai timu, han ek lon surah...
Bak lon ka langkah, ku neuk meu pesta


Itu dia pantun dalam bahasa Aceh tentang meukawen atau pernikahan karya Tarmizi, isinya ada lucu dan juga romantis.