Panton Aceh Kecewa dalam Cinta

Table of Contents

Panton Aceh Kecewa dalam Cinta

Lagak on tubee watee ujeun troen.
Bungoeng sitahon timoh meubanja.
Waalaikum salam, lon jaweb panton.
Keu Adoe long, teungoh keucewa.

Takoh on meuriya, tacop keu bubong.
Bek reuloh tampong oh ujeun teuka.
Long kalon gata, seudeh hatee long.
Cinta di ulon, bukon kon keu gata.

Di Manohara, batee meu suson..
Lagak ngon pusong oh ta eu rupa.
Bukon Tan cinta di Abang Payong.
Bek lee adek Long gata kecewa.

Didalam cintra, long pasoe tiong.
Lon lihat bk bubong, keu ayeum mata.
Bukon Tan cinta, rasa hatee long.
Keu adek payong, tan jatoh cinta..

Rayoek that tegu, ideh di bandong.
Meu heut hatee long, jak kalon sigra.
Bek lee keucwe, Wage adoe long..
Tami ta sombong, ngon laen kanda.

Meumada oh noe, panton lon karang.
Adoe lon sayang, beu jeut syedara.
Adak Meu rumpok, gata dengon long.
Beu na tasanjong, bek paleng muka.

Baca Pantun lainnya: Panton Aceh Lawak, Sedih, dan Kecewa; Jak U Blang

PUTOH HARAPAN

Wate rhot ujeun, meulinteung kilat
Sibungong lansat, meuhat mandum rhot
Lon baca jangeun, bayeun lam surat
Sang sang lam urat, teupat dum atot

Sidum nan peudeh, tuleh hikayat
E bungong riwat, ie mata lon rhot
Gaseh ta cureh, bak binteh teu lhat
Mandum teu ikat, meuhat teu sangkot

Tika yang ta leung, meukaleung rambat
Siblah rot barat, hantrok lon ceugot
Jaroe lon sunyung, lam ruweung meuhat
Lam cahya kilat, surat angen pot

Cinta ta uke, meu ribe tempat
Lage ek lalat, meukarat parot
Sayang mu pade,reule buet ulat
Cinta lon ikat, laen ta ceugot

Tetapi jinoe, bagoe laen that
Ulon ta peurap,meuhat takawot
ie mata teu roe, bagoe teucupat
Meuah ta ucap, bak lon ta seubot

Wate ie paseung, meulinteung bakat
Dhoi kaye coklat, angen peu ba pot
Han mungken lon tueng,bayeun meukawat
Gata syakubat, ngon lon han patot

Pinto hate nyoe,ka teu top rapat
Bek le e sahbat ,ulon ta kawot
Keunangan tanyoe, oh noe meulipat
Mandum Hikayat,meuhat ka lon toep

Baca Pantun lainnya: Panton Aceh Lawak, Sedih, dan Kecewa; Jak U Blang